عصام السنان
( أوصيك يا ولدي)
الصبح أهو طلع* * *والكل قام يسعى
متبصش لغيرك يا ابني* * *وارضى بالمكتوب
الرزق وزعو هوا* * *ويا بخت اللي بات مغلوب
مثل قالوه زمان* * *ربك د رب قلوب
ميبصش لأشكالنا* * *ولا شئ عليه محجوب
أوعاك تمد أيدك* * *أوعاك تعيش معيوب
اللي هتعمله النهاردة* * *هيبقى عليك محسوب
أوعى التراب لمام* * *أوعاك يا واد لزنوب
بتقل الأحمال* * *واللي يطب يدوب
بدعيلك ربي يا ولدي* * *يكفيك شر الغيوب
ويكون سعيك حلال* * *وتصبر صبر أيوب
دي جنة الرحمن* * *أكبر جزاء مطلوب ( بقلم عصام سيد محمود - عصام السنان
إرسال تعليق