●》 بكتبلك 《●
لأول مره بأكتبلك
وبأحكيلك عن الأحوال
وليه الدنيا عاندتنى
لأول مره بأشكيلك
سنين العمر ليه عدت
هموم سارحه وما اتعدت
ورغم نفوسنا ما اتهدت
لا نافع فينا جاه ولا مال
اتارى الدنيا مسكونه
بروح غادره ومجنونه
بتقلب كل شئ فى الحال
وتعند قد ما بتعند
وتسبح فى الفضا وتبعد
وترمى علينا بالأحمال
لا عاد فارق معاها كسوف
ولا بتعمل فى يوم معروف
وحبسانا فى زنزانه
وقافله علينا بالأقفال
لأول مره هوصفلك
وأفسر لك عن الأغلال
قيود متحزمه فى جيدنا
وما فى حد ينجدنا
ولافى حاجه بتجيلنا
ولا بتمر ع الأجيال
ماضينا ذى حاضرنا
مضينا وبعدها طرنا
وعشنا فى وسط100زلزال
لا عارفين للحياه مفاتيح
ولا قادرين نجارى الريح
وكله بيمشى بالتصاريح
معدتش فاضل لنا غير فال
وتتغير عليه الموازين
يا دنيا حالك المقلوب
بيتمرجح وكله عيوب
وكل الخلق فيه أبطال
ولو حتى يكونوا عبيد
ولو حتى يكونوا عبيد
●》 طلعت عامر 《●
إرسال تعليق