جيت أعاتبك
---------
جيت أعاتبك
جيت اقول لك
كنت بادى بالخصام
منعتنى حتى الكلام
وحرمتني حتى السلام
حتى الملام
حتى المنام
جاى تفكرنى بقساوتك
والله ده يبقى حرام
مش كفايه بعدت عنى
مش كفايه خالفت ظنى
مش كفايه انك هاجرنى
مش كفايه انك تاعبنى
والا هوه بس يعنى
حبنا مجرد كلام !!
فين ضميرك ؟
فين شعورك ؟
فينه قلبك من زمان !!
لما سبت الغيره تنهش
كل ضلع فى ضلوعى
حتى مارحمتش دموعى
يبقى ليه العند ليه ؟؟
يبقى ليه تدبح لى قلبى ؟؟
برضه ده اسمه كلام ؟؟
ـــــ
ياللا بقه ارجع بقلبك
ياللا صالح قلب حبك
ياللا خلينى ف قربك
أبقى طول العمر جنبك
لو صحيح بتحب قلبى
يبقى ياللا
تعال تانى
تبتسم لينا الأمانى
وسوا نغنى
أحلى الأغاني !!
--------------
ليالى أحمد الأسعد
إرسال تعليق