( أنا لسه عاشقك صبر )
عمري اللي ضاع ف كتاب
تحويشته حبة شعر
دلوقت من غير سعر
متخبي ف غلافه
يملأ فراغ كداب
و كلام. بصيغته عتاب
يطلع بقصد البوح
ياشعر يا مجروح
فارد ايديك للريح
والشعر فيكي ازاي
من تاني يبقى صريح
اصدق كلام اتقال النظره جوا العين
ياشعر ياقديس
احلامنا في العناوين
في قصيدة من كلمه
اولها ليل سواح وأخرها في مكالمه
ياشعرها السايب
والله منا سايب
ليلي اللي تاه سهران
في الضحكه والتفاصيل
أقرأ الخبر لو عاش
أهو بردو عاشها قتيل
والليل ماعدش طويل
يمكن حنيني يفوق م التوهه في عيونها
واتملا مضمونها
من حرقة المسافات
ياااا قلبها بالذات
راضي بحكم القوي
وإن كان ضروري وقوي
نتخبا جوانا
العمر ماشي اوام ضلل على الأيام
ل الدنيا تسبقنا
أرواحنا في الملكوت
سبقانا بمراحل
عشنا الحياة ف سكوت
الكل فيها راحل
والعمر عدى وفات
«مابين بعاد وخصام»
«ودارت الأيام»
وانا لسه عاشقك صبر
مكتوب على جبيني
في خانة الاحلام
مستني ليلة قدر
( احمد هلال )
إرسال تعليق