همسة حزن
😥😥😥😥😥😥
بياع ياباشا..بياع يابيه
اختارونقى..بعشرة جنيه
اصل اللى عندى..مابقاش يكفى
لوشفت بيتنا...مافيهوش جنيه
بياع ياباشا..بياع يابيه
😥😥😥😥😥😥
لا شهادة نافعة.. ولادبلومات
زمن النهارده.. للرقاصات
عاوز تعيش... هات لك صاجات
ياتمشى حالك...بين خد وهات
وانساه ضميرك...انساه يابيه
😥😥😥😥😥😥
كان قصدى اعيش ربع البشر
واكسب حلال وسط الغجر
اتارينى رايح للقدر
والموت سبقنى وانتظر
عمر العبيد مايقولوا ليه !
😥😥😥😥😥😥
انسان عجيب وضميره مات
كل اللى همه...الغرامات
عمره مايشبع..لو كل ساعات
همه ف عمولته..لوتشوينات !
وكل همه..ادفع يابيه !
😥😥😥😥😥😥
😥😥😥😥😥😥
لو حكمونى..هاافقع عينيه
واجيب له جزمة وانزل عليه
واجيب له ديزل يفرم أيديه
عشان يدوق ذنب اللى قتله
واللى الحياة..راحت عليه
😥😥😥😥😥😥😥
يوسف الخواجه
إرسال تعليق