ليالى فرحنا
من ديوان / على الربابة
للشاعر مصطفى فريد
هلت ليالي فرحنا بشهر الصيام
بنعيش سوا نستنظرة فى كل عام
فى أوله بنحس بيه رحمه وسلام
وفى آخره بنشوف الهلال بدر التمام
هلت لياليه الجميله بالإيمان
فيها القلوب بتدوب مع صوت الآدان
فيها الطهارة للنفوس فيها الأمان
ليالى حلوه كلها زهد وإيمان
بخروا كل المداين والجوامع نوروها
ازرعوا ورد الجناين والشوارع زوقوها
زينوا كل الحوارى والبيارق علقوها
الليالي الحلوة عادت بالاغاني استقبلوها
إرسال تعليق