خمس بهايم عتاولة يحرتوا فدادين
ساحبين ولية فقيرة فارشة قفة تين
ماسكة ف إديها ابنها عمره يدوب سنتين
قال إيه مخالفة ولابد يطبقوا القوانين
يا خلق ضهري انحنى م الفقر وسنينه
ورضينا بيه كلنا ولا كنا عاجبينه
والعمر ضاع مننا مضروب على عينه
والرزق من ربنا عايشين ومش عايشين
قال إيه مخالفة ولابد يطبقوا القوانين
كتروا اللصوص في البلد وبينهبوا قوتنا
حتى القانون عندهم شاهد على سكوتنا
والسلطة في صفهم غطت على صوتنا
ما تروحوا تتشطروا ع اللي سرق ملايين
قال إيه مخالفة ولابد يطبقوا القوانين
قال إيه مخالفة ولابد .......................
.......................... (عجبي)
... (أحمد الشيخ)
إرسال تعليق