اشتقت حضنك يا وطن
بقلم / عادل علي
---------
اشتقت حضنك يا وطن
ياللى ف هواك عمرى اتسجن
وتعبت من كتر المحن
والحر فيك ملوش تمن
أعتب عليك وللا الزمن
ياما صوتى كان مليان حماس
وعزيمتى أقوى من الرصاص
كان أملى أعيش ساعه الخلاص
فيك نعتصم مش ناس وناس
اشتقت حضنك يا وطن
دايما تاخدني الذكريات
وأرجع واقلب فى اللى فات
كانت الزينات ماليه الحارات
دلوقت ليه الحزن ساكن
ضلل وعشش ف الأماكن
ليه الألم فى بيوتنا راكن
ومن الوجع نصرخ سكات
اشتقت حضنك يا وطن
ليه لو طالبنا بحقنا
يبقى التمن من دمنا
نخسر حياتنا وعمرنا
والأمن هو حلمنا
وللا السلام من المعجزات
اشتقت حضنك يا وطن .!!
.
إرسال تعليق