وإيه باقي
بقلم أمل التابعي
وإيه باقي
مادام أقرب قريب
خانك
وإيه باقي
مادام بتعد أيامك
يضيع عمرك
قصاد عينك
بتتفرج على أحبابك
تقول بتمنى
أنا منهم
أكون بينهم
أشيل الحمل أنا عنهم
وبتضحي بنور عينك
ويبقى الدمع وسنينك
جراح منهم
وبردوا ليه ماتتعلم
كفاية خلاص تتألم
ما حسوا بيك
ولا دريوا
وإيه مستني
حيجيلك
بجد خلاص
كدة خلصت
وقالوا زمان
قلوب قسيت
ماتعرف حب أو غيره
دي بس تقضي أيامها
ولا تهتم بغيرها
وبتكابر وبتمثل
ونتفرج على دورهم
وتتأثر بتمثيلهم
تقول يمكن يكون صادق
لكن فجأة تيجي صدمة
تقوم فايق
تلاقى الجرح كان وخلاص
يا دنيا الغدر والقادرين
زمانا فين
وليه كل ده ضايعين
ولا قادرين
نكون غيرنا
نكون زي ال كارهنا
وبيقابلونا مبتسمين
ملايكة هما في وشوشنا
وفي الضهر كتير سكاكين
ونشكي لمين
ما بين الحق والباطل
في شي حاصل
فيه خيط بينهم
يقولوا ضعيف
لكنه متين
وبين قلبي
وبين ربي
في وصل وحب
بينور لقلب حزين
بقلمي/ أمل التابعي
إرسال تعليق