ديب..الديابة
لية ياديب
ياديب يابو الديابة..لية ظلمت الغلابة
وافتريت بعد ماتغانيت
واكلت وشبعت..والاخر رميت اللبابة
عيب ياديب
ياديب والطبع غلاب..لية تفترى
دة الزمن..زى موج البحر قلاب
لئيم زى الشيطان دحلاب
حرام ياديب
ام العيال لية ظلمتها
لما قالت..مش هعيش مع ضرة طردتها
عايز تتجوز عليها..اكرم ليها
ترجعها بيت ابوها..زى ماختها
اسمع ياديب
عمرك ما هتعرف حنان امك
غير لما تعيش مع مرات ابوك
خليك اصيل..واوعى تبيع يوم
اللى حبوك واشتروك
واوعى تكون فاكر
ان اللى بعت الدنيا علشانهم
لو وقعت يوم هيشيلوك
ظالم ياديب
العيشة مش با العافية..ولا على هواك
دى الاصيلة يا ما ليالى
كانت قلقانة عليك.وبتستناك
والاخر..هجرتها..بعتها..جرحتها
عايش لنفسك هنا..ومع حبك القديم هناك
اوعى ياديب
تخرب بيتك..وتدوق المر ف سكرك
وتكب زيتك
وتطلق مراتك..وتقطع حبال المودة
وتحل رباطك
وتضيع ولادك..دول بدايتك ونهايتك
وكل حياتك
لا ياديب
هو انتى غبى ولا بتتغابا
دة ما يعملش كدة..وحش كاسر ف غابة
هتندم ومش هيفيد الندم
ولا هتنفع معاك..محكمة ولا نيابة
اصحى وفوق ياديب
اوعى يغرك..شبابك..ومالك..وعزوتك
وتنسى اللى..حبتك وعزتك
ياراجل..دة كلة علشان نزوتك
فاكر ولا افكرك..لما كانت بتمسح دمعتك
خليك اصيل..فين رحمتك
قول واحكى واتكلم..
هى قصرت يوم ف خدمتك
صدقنى ياديب
بكرة تقول ولا يوم
لما سماك تكتر فيها الغيوم
وتقع ولا تقدر تقوم
ويضيع قمرك
وتهرب من بين اديك النجوم
بقلمى
محمد يونس
إرسال تعليق