تعالى
بقلم عادل علي
تعالى ---- نقرب المسافات
مش هتكفى بينا ساعات
انا
اتشوقت أعيش لياليك
وفى غيابك بفكر فيك
وليلى نهارى مستنيك
اشوف الفرحه جوه عنيك
وتبقى بدايه ليا وليك
يادوب شوفتك ومن ثانيه
لقيت الدنيا حاجه تانيه
وسكنت فرحه فى عنيا
وجنه لقيتها حواليا
وقلبى قال اكيد هى
مسكت الحلم بايديا
منايا تحس بهوايا
يا حلم وعشته جوايا
سنين فاتت وانا ف حرمان
باشوف طيفك ف كل مكان
وعاش قلبى سنين عطشان
يقاسى الغربه والأحزان
وجرح وكان معايا زمان
تعالى وخدنى بالأحضان
بكل حنين وشوق وحنان
يا حب سنين واحلى زمان
مش هتكفى بينا ساعات
تعالى ---- نقرب المسافات
كفايه العمر عدى وفات
بايدنا تكون لنا بدايه
ونرسم ضحكه وحكايه
ويبقى لبعدنا نهايه
تعالى ---- نقرب المسافات
إرسال تعليق