والله بتمنى السعاده لبلدى...الشاعر \\ عبد العليم ابو عبده

والله بتمنى السعاده لبلدى -- وللحكومه -- والرئيس -- ونفسى اشوف الدنيا وردى --- لاحواجز ولا متاريس -- والناس تشرب وتاكل-- ولا تتاكل-- م المهاويس -- اللى واكلينهاا والعه -- والمش ف الزلعه -- بلقمه ناشفه -- بيقمسوه متاعيس -- نفسى اشوف الشمس طالعه -- وبحور من غير هويس -- وزرع اخضر - بيتمخطر -- - وقلب فرحان عريس -- وبلدى احلى البلاد -- ولكل العباد -- الراحه جليس -- والزهزهه -- والمنحهه -- زى عهد ايزيس واوزوريس -- وحضاره -- ونضاره -- والحب تدريس -- والامل -- عمل -- والفرح يكتمل -- والقمح دريس -- وعيالى تغرف وتاكل -- ومفيش مشاكل -- لوكان الطبيخ -- قلاقيس --- والحياه خاليه م النفس الشمتانه -- واه يانه -- م التدليس ----- والله بتمتى -- كل مصرى يتهنى -- حتى لو العيشه تتاتيش -- بدام بيلاقى لقمه عيشه -- ويلبس خيشه -- اهى فرافيش -- والسعاده -- مش لقمه زياده -- والرياده مش تهبيش -- والحب بيصتع وجود -- فيه بيسود -- ع الكل -- عيشه فل -- واهوه كله اكل عيش ------------------------------------------------------------------------- الشاعر \\ عبد العليم ابو عبده