الدراويش: إيمان بشناق

الدراويش: 
ياعيد ياجىّ يمتنا خلاص 
متجيش
مادام ماعارفش سكتنا
متسألنيش
على العنوان
نسيت البيت 
وغابت خطوتك عنا
بعيد القصر عن بيتنا
ويادووب بنعيش
ورب القصر فايتنا
عشان من قصره شايفنا
يادووووب
حرافيش 
عبيد احنا 
ينادينا
بلقمة عيش
نروح منجيش
سعيد بتعيد حواديتنا
مع الضحكة اللى ناسيانا
وطفلة ف قلبي ماكبرتش 
فرحانة 
بعروسة قماش
وحلم ماجاش
بترسم فرحة خزيانة 
على الشباك
وما كملتش 
وطيف مرسوم على الحيطة 
لكن بهتان
لابس جبة
ولابس قفطان
وعمة عفية 
مروية
دفاوحنان
عيونه الحلوة مطفية
حزين حيران
بيسأل فين
ورود كانوا هنا نايمين
بإيدى كنت زارعهم
وكان الحب جامعهم
ينادي بصمت
شق البوح 
بصوت مبحوح
ورعشة برد ليل مجروح
يا عيد .. عيد الدفا لينا
وعيد فرحة ليالينا
ونادينا بلقمة عيش
تلاقينا نروح منجيش
عشان احنا
عرفنا ازاى 
نعيش دراويش
إيمان بشناق