إيه يا عم......
أنت فاكر أنت مين
تقول يمين نمشي يمين
وتقول شمال نقول آمين
وإياك تنسي إننا
شعب مصر الفراعين
وزي ما شلنا اللي قبلك
واللي قبل اللي قبلك
نقدر نشيلك ونعرفك
إحنا يا ابني نبقي مين
انت قولت دول غلابه
تعبوا ومش حمل ثوره
أو هجوم جاي من دبابه
لا دا انت غلبان أوي
لما تيجي وتفتري
ف قوتي وقوت الطيابه
هو ليه نظرك ضعيف
ماشي عامل كالكفيف
سايب أصحاب الفلوس
وجاي تقوي ع الضعيف
أنت أخدت مني أمانه
صوتي أدتهولك أيوه
بس دا مسموش حصانه
والخيانه جزائها موت
أيوه مش هقبل مهانه
يا أما أعيش كريم ف بلدي
وتعرف إن المصري أفندي
وان مصر دي تبقي عرضي
يا أما تبعد من سكات
عشان أنا مش ناوي أعدي
وبحذرك أيوا بصرامه
بقلم / سماح شلبي
إرسال تعليق