تعبت ف دنيا مشكية
شكيتها للى ناشيرها
ومش قادر على مصيرها
اسيرها ف كل احزانى
جزانى الشيبة من سيرها
سنينها غيرت فيا
ملامح اصبحت غيرها
مكانها لعشتى احزانى
شربتوا ف كاس بتدبيرها
زمانها شموع طفتها دموع
وأيامها خناجرها
روحى الساكنه جوايا
فرحى منها هاجرها
شجون الدمع ف عينيا
بقت للمجروحين دارها
بطير بجناح لكن مكسور
بذور ف الرحلة مقاديرها
وقدرى ف الهوا طاير
ومخطوف ف القفص طيرها
تعبت بجد م الغربة
من الوحدة
من اﻷحزان
سهرت بدمعتين ع الخد
وجعنى الصد والحرمان
لقيت كل اللى كان باين
من ماضى جريح عنوان
انا عشت السنين مجروح
ولسة الجى من عمرى
سنين هتروح
هروح ويا السنين وهموت
واسيب جواكوا اشعارى والواحى
وهيقول كل حد دة مات
لكن عايش ف ارواحى
بقلمى هانى السيد
6/6/2018
إرسال تعليق