لو رسمتك بورتريه..
ضحكتك دايما تغيب.
كل ما اسأل نفسي ليه?
ما التقيش أبدا ....مجيب!!
ضحتك أهي مالية وشّك..
زى ّشمعة بتنطفي.
بس مش ممكن هاغشّك..
فيه وراها شيء خفي.
فيها حزن موطّي صوته..
ألا حد يسمعه.
حتّي في لحظة سكوته..
حاجة جوّه....بتوجعه!!
لما اقرّب يم رمشك..
ألقى ريشتي ترتجف!
بالرصاص ارسم شفايفك..
فجأة سنّه يتقصف.
وامّا احمّر لون خدودك..
ألقى دمّي خلاص نشف!!
جايّة دمعة بتجري خايفة..
من عيونك.....تتكسف.
ليل طويل يا حياتي شعرك..
صعب جدا أرسمه.
أو أحدّد لون مشاعرك..
واوصف جنانك وافهمه.
وامّا جيت ارسم عينيكي..
تهت في بحرين هنا..
واحة خضرة فوق جزيرة..
طارحة فل,وسوسنة.
واما حددت الجفون..
كت يّادوب فاتت سنة..!!
صبري علي
يونيو18
إرسال تعليق