صالح قلبي
بقلم // آمال ناجي
#######
يا ابو قلب زي الفل يسرق قلوب الكل ..
دايما على حالك ناسك في موالك ..
والناس تقول وتعيد عن قلب زي العيد ..
يجمع قلوب الكون جنبه بدون مواعيد...
حرفك بقى نبراس والكل ماشي وراه ...
وانا اصلي زي الناس بالضم بنات الراس ..
تسبق تقول انا جيت لاجل الحروف اسمع ...
واما الاقيني نسيت كام كلمه اقول وارجع...
اسرق حروف من الحاء والقاني بأتوجع...
اسأل حروف الباء تعصاني واتلوع...
لميت حروف الكون لاجل الملأ يسمع...
انا قلبي بقى مجنون والخوف اهو بيسبق ...
لكن منين راح اجيب قلبي اللي كان مشقوق ..
راح لف ارض القمر ورجعلي تاني بشوق ...
يملى سماء الكون كام غنوة للمعشوق ...
وفتحت باب الهوى للي هواه يسكر...
والقلب اهو مشتاق لعيونه دي بتسحر...
اصل الغرام دا براح وفي كونه دوم نسهر...
نعشق ندوب من الهوى نعزف نايات تسحر...
لف بإيديك الهوى واقفل بيبان الخوف...
وامسح دموع الاسى وامحي الام ليلي...
دا انا قلبي كان مشتاق يرسم امال من نور...
والروح كمان عاشقاك تغزل خيطان املي...
تنسجلي توب الفرح ونعيش في بيت مسحور...
يملى حياتنا فرح يسقينا كاس من نور....
هاتلي معاك دنيا ما فيهاش خلاص عزال...
وكمان حاجات تانيه ولا عمرها تتقال...
الا في عيوني انا والكحل ده موال...
انا لسة اهو حاطاه ولبست اهو الخلخال...
والشعر اهو سايح على الحاجب المرسوم...
والرمش بقى سارح خاصم جفون النوم...
يلا بقى صالح قلبي اللي كان مظلوم .....
=================
إرسال تعليق