بيوتنا طين
من طوب طرى
لايقسى يوم ولا يفترى
مهو العجين
منقوع حنين
مايبعش .. دايما يشترى
مهوش جماد
ده ضحك أب
وحضن أم
و غنوة ف لسان الولاد
أرض وحدود
ريحة وبركة من الجدود
ساعة ماروح
عطر الأمان حواليه يفوح
جنة براح فوق السطوح
الشوق بيسند ع الحيطان
استهلك الصبر بحنان
ألمح شواشي الحلم فوق
يفر قلبى بكل ذوق
زى اللي مجروح م الحبيب
وشاف طبيب
أو زى غريق حدفولوا طوق
أبات وحضني
ف الغرام غرقان
مغنواتي .. والعصير ألحان
الله على ريحة زمان
إرسال تعليق