ياجرح قلـوب / بقلم الشاعر صلاح الشيخ

( ياجرح قلـوب )
◙◙◙◙◙◙◙◙◙

ياجـــرح قلــــــوب
على جبين الهوى مكتوب
ياظــل الخطوه والمسافات
وصوت الصرخـه مكتومه
وفـــوق قلـبى جبـل آهــات

ياحرف ف سطر جوه كتاب
على رف الـزمــان منــسى
يا آخـر صورة ف الألبوم
وذكـرى حلـوه من أمسى

تعـدى أيـام وراها سنين
وتدبـل وردة العـاشقـين
وبستانى على دموعك طرح صبار
وضـاع السطــر ..
والصوره مابين القوص (محصوره)

◙ صلاح الشيخ ◙