يا دنيا ماشيين فيك ......
نشيل احمال .....
لحد ما اتهد الحيل .....
والكتف اهو مال ....
م الهد ه
ماعدش صحة نافعة
وگأنة بقا شئ محال
ولاحتي بقا فينا نفس
يساعد نا
ولاحيل يتشد بشوية مال
و منين نجيب تاني عمر
بعد اللي اتبعتر زمان
وورود الخد صار دبلان
بعد ماكان اخضر رمان
من كتر الهم اللي علينا حط
والشيل
شيبنا بسرعة
واحنا لسة يادنيا فيكٍ يادوب عيال
عاتب عليك يازمن
وانتي كمان يا دنيا
يالي ماصنتي فيكٍ وصيتي
وبعتيني للاندال
ياما كنت اقولك وديني
خلي بالك مني حبه
وابقي فيكي شوفيني
بشوية حنيه
ومعاهم كمان روقان
قومتي جيتي عليه
وانا فيكٍ غلبان
وضهرك عني دايرتية
وانا واقف قدامك
عملتي نفسك مش شيفاني
وانا اللي عندك احزاني سطروها
بالحبر فوق الورق
وبيغنوها بكا وموال
والله ما ناقص يادنيا
غيرإني اعملي فيكي حجاب
يمكن يرجع عمري اللي فات
بيه لورا ويقولي علي شباب
من بعد حيلي اللي اتهد
والشعرمني شاب
وكل دا ولسة ف زمرتك
دوري مجاش
وبتقولي اصبر لمن عاش
لامش ضروري
واشطبيني من الكراس
ماعدولش فايدة الكلام
ولااي قول تاني
من بعد مافات العمر
وماتت جوايه الاماني
والاكادة بتقوليلي خليك جبل
مهما حملة بيزيد بيشيل
طب منين والحال علي القد
والجبل من فوقي اتهد
والجسم مني نخ وبرك وحالة مال
وماكفاكيش حيرتي فيكي والعذاب
رمتيني رمي للكلاب انا ليه عليكي عتاب
وليه فيكي حساب ولاماليش فيكي مناب
ماانا اللي حبك واسمك عنواني
مكتوب فوق كل باب
ياخسارة المحبة للااحباب
بحبك ومابعرفش عليكي اكدب
ولاكنت لك في يوم منافق
يمكن عشان كل دا مش عاجب
وعلي ملا وشي جيباني و كوياني بالنار
بتقولي اامشي منافق ف الطريق للاخر .....
طب ازاي واخرتة دمار......
معروفة نهايتة من غير اعزار ......
وليه عقلي ياخدني .....
واروح بية ع النار .....
واعيش متعذب ليل ونهار
بسرعة براجع ضميرى
عشان مادخلش مع الاشرار
في حسبة اخرتها نار
وساعتها مش هايفيد ....
اعذاااااااااار......
بقلم عبد المنعم مرعي
إرسال تعليق