نفوس طاهرة وقلوب بيضا
مالهاش في زمانا مكان
وكتير منا عشق موضة
ضميرها تاه وسط غلان
والأنا بقت فلسفة حياة
أنا ومن بعدي الطوفان
والغاية تبرر وسيلتها
وبقي الإنس يعشق جان
وأدوس علي الناس لمصلحتي
وأدوزنها نغم وألحان
وبفلوسي أدوس علي الكل
بلا شفقة ولا إحسان
وكأني ورثت الأرض
بناسها وطولها وعرض
وناس من البرد
ماهي لاقيه معايا حنان
وأنا القبطان علي مركب
في بحري ما تعرف حد
وأي شفقة في قلبي
لناس غيري طريقها إتسد
وما في حد لطموحي
ولو الكل الدنيا بيهم تتهد
وفي قاموسي شطبت كتير
نحن صح وكمان عدمت الجد
أسبح علي المسبحة ذاتي
وأعشق كل وسخاتي
وأنشر كل حكاياتي
والخطوة علي الجشع تتمد
ما فيش في حياتي إلا أني
وأنا الأول وأنا التاني
بعت كل خلاني
وما عاد بيني وبينهم ود
----------------
أنا ومن بعدي الطوفان
الشاعر محمد ضباشه
إرسال تعليق