يا ريتك حطة النواحيدي
ورسمت صورتي في خيالك
أو طمنتي لمسة إيدي
بأني لمرة جيت علي بالك
كنت النبض وكنت وريدي
وياما القلب بشوقه نادي لك
وليلي يعشق تنهيدي
وساعاته ما تطول لوصالك
لو جففت دمع عيوني
وأخدتيني لبحر حنانك
كنت ساعتها أهد الدنيا
وأبنيها قبلات علشانك
لكن فاتك قطر حياتي
وأتشعلقتي بوهم أمانك
وأنت دموعك نازله بتروري
كل غيطان العتمة مكانك
وكاساتي ملتيها بشكك
وقلت لي بفم لسانك
أن ما حاجة فارقة معاك
ولا ليا فرحة بأوطانك
كان قلبي مفتوح علشانك
وحفر لك جواه تمثال
وكان خوفه عليك من بكرة
يجي يضيع راحة البال
ياما دموعه بكت وقالت لك
أن الوضع الحالي محال
يجمع قلب يحب بطيبة
وما لوش في العند مجال
مع قلب أتعلم أنه
علي ضهرك تحملها جبال
لما جبالها خرت بيا
وسفيني علي موج الحال
كل كلامه ما طمني
ولا لحنه يغير أحوال
قلت بلاها يا قلبي الحب
أيه نابك من حرف إتقال
غير ألام الجرح بجرح
ودواهم ما لوش أمصال
وأنت يا دوب لسه بتحبي
وما فاهم لغة الأسرار
-----------------
ولا حاجة فارقة معاك
للشاعر محمد ضباشه
إرسال تعليق