عمرة...ترامدول
خدوا الترامدول
وطلعواله جواز
وقالواله :الدين بيأمر
بالتكافل والعطف
ع المساكين
ولبسوه الطاقيه
وتوب أبيض(جلابيه)
واختارواله عروسه
عجوزه مش صبيه
كان اسمها سعديه
ست مصريه بقالها
75 سنه مكفيه
تربى كام بنيه
ربت أيتام
وكانت م الدقهليه
طمعوها بعمره مجانيه
وقالوالها الحسنه
لازم تبقى مداريه
خلى الموضوع
بنا وبينك ف سريه
خدوها ف عربيه
وادوها شنطه
لصاحب الدعوه هديه
ف السعوديه
وصلت جده
وكانت المصيبه مستخبيه
مخدرات ف الشنطه
قبضوا عليها
وهى ف السجن مرميه
ست مش خبيثه
ولا غبيه
ست ضحية حسن النيه
ضحية غدر وخيانة
ومؤامره شيطانيه
ذنبك إيه ياسعديه؟
ذنبك إنك مسالمه
وحسنة النيه
دموعنا مش مكفيه
بقلم:محمد حجاج
إرسال تعليق