=== المفضوح ===
مش مقصودة
===========
مسح دمعاته وجه عندينا
قدم أسفه وباس ف ادينا
أعلن ندمه لو كان عدمه
أهون عنده . . ما يعادينا
راجع تاني بعرض علينا
انه يكون دايما حولينا
وايدي بادكو وانا وياكو
سمع منينا وراح يشكينا
الخباص يبحث عن حيله
يخرج منها شايل شيله
المفضوح دايما مجروح
فين ما يروح يا سواد ليله
زي الكلب في عوجان ديله
كل خليل يشبه لخليله
يعني الخاين لما يطب
سيبه ف الجب اوع تشيله
==========
حمدي عودة
==========
إرسال تعليق