الترم فاتح لنا ضبه
يملى في عبه
وأدى العيال سرحوا وسبو
فى أم التعليم
مدارسنا ضاعت أهدافها
حد لهفها
ماحد يعرف أو شافها
رحمن يا رحيم
بدأنا تانى من الأول
خش وهول
وعقدها يمكن تتقاول
مع جوز غلاليم
وسب وأشخط وتأبى
وإتقل حبه
وأضرب بإيك والركبه
ماتكنش حليم
وإفتح سناترك يا معلم
للى مضلم
ومخه م التخن مبلم
وإعمله رجيم
وقوله محتاج تقويه
عندي شويه
يفتح أبوك الحنفيه
تصبح فهيم
تمضغ كلامى وهتطنش
انا ماضرش
هفضل وراك كده وتفنش
ملعون ورچيم
تطاوعنى تسلم وهتنجح
كده من ملمح
لو حتى ترفس او تنطح
او حتى بهيم
مدارسنا خابت مساعيها
طب مين ليها
وبعلمه يرجع يبنيها
دا الخطب جسيم
أنا عندى عيل جنينى
واللي تعبنى
شاطر وناصح ويعينى
وكأنه نسيم
فى دروسه شاطر ويذاكر
انا مش ناكر
درجاته ممتاز وشواكر
الواد صميم
لكنه خواف م المستر
صاحب السنتر
عايزه ليلاتى هناك يحضر
يايكون له غريم
إرسال تعليق