أغنية شعبية:
زرع مكانك فالأنترنيت
و بذر خوا و عصير
و حصد والو يا ناس
انت والو فالتعبير
و شاطي شاطي شاطي
لكلمة خبيثة طاطي
فكرك راه فقير
انت و كلامك واطي
كذاب منافق بوحاطي
فتخسار الهضرة طِّير
التكنولوجيا تتقدم
و انت فالصف لّْخّْر
راضي تكون حقير
من سِيتْ لْسِيتْ تتنقل
لا حاجة جميلة تنقل
على التفاهات تعقل
و تعاودها كثير
بالأنترنيت مْتَّاخْذْ
و ما تْستافْد والو
عقلك ديما جامد
الإسفاف يْحلا لو
سرّْح عنيك و تمتع
و لا حد تنفع
ضْيّْع وقتك و تبرع
الواطي هذا حالو.
...........................من توقيع/المهدي العمري.
إرسال تعليق