لسة فاكرك
للشاعر محمد شرف الكراديسي
من ديوانه حياتى توهان
*******************
كنتى أغلى من نــــور عينيا
لمـــا إيديكى تلمس إيديـــــا
لســـة فاكــرك وإنتى تنادى
ابنى حبيبى كــــل اللـــى ليا
**
حضنك دايماً كان بيساعينى
وبفوطة ناعمة كنتى تلفينى
وإيدك تمســــح دموع عنيا
لما الصابون ييجى فـ عينى
**
طشطى صغير على قد سنى
قاعد مقرفص وعينيكى منى
إيدك تملس على شعر راسى
داعية إلهـــــــك يارب عينى
**
ومشيتى يا امَّه سيبانى وحدى
سنى صغير وفى عــــز مهدى
ومين يا غـــــالية يعطف عليا
من يـــوم ميلادى ولحد لحدى
إرسال تعليق