ياابن ادم
-------
ياابن ادم الطبع غالب
وانتا مش قد المقالب
بلاش تلوم الناس تملى
الكل بيجرى ع المكاسب
----====----
قفل ببانك ده مش جديد
والفرجه تبقى من بعيد
مابقتش بين الطيبين
لو حتى هتفل الحديد
----====----
امسك بايدك ف الحبال
واعدل الغصن اللى مال
احسن يتوه العقل منك
وتشيل هموم قد الجبال
----====----
اطلع من القمقم وعيش
واللقمه لو كانت قراقيش
تاكلها وسط الناس تشبع
ولا تتكبر على اكل العيش
----====----
الشاعر
احمدعبدالله الاسيوطى
إرسال تعليق