🎩
🎩🎩. الساحر
🎩🎩. الساحر
-----------------
إدي العيش لخبازه
وانا للحرف استاذه
ولو حروفي ما اتعازو
ابطل شعر و اتنيل
الساحر لقبي و استاهله
وانا السحر انا أهله
ومين اتص في عقله
يبجي لحدي يتحنجل
بحر الفن ده سيركي
ميت فدان كده ملكي
يشوفها العالم الفلكي
يشوف النظم يتبرجل
و( بيرم ) سابلي التركة
و (نجم ) كتبلي الشركة
و(جاهين ) زيي ف الماركة
حملت الرايةو بكمل
كرمني. الحظ و أتوصي
قريت الدنيا من بصة
ف ثانية ارص لك رصة
حروفي تحيا وتطول
شاعر فنان ومتمرس
وفني بكرة يتدرس
في جن ياما متكرس
يراجع حرفي ويجمل
عشان تعرفني اقرالي
هتعرف أن انا العالي
حروف الماظ وبتلالي
بيها الحلو.... يتجمل
حرفي بريمو... والأجة
ومش مغرور ولا حاجه
ياريت كان جدنا خواجة
كات احوالي تتعدل
-----------------
---------------------
إرسال تعليق