ليل طويل
................
وحتى الكلمه
جوايا بتنزف وجع
بتصرخ بعلو الصوت
مالو الجدع
وليه قلبه كده مكسور
وليه ليل الحزن
قدامه مالهش نهار
من حزن لحزن
وليل في
القلب كما الإعصار
ودنيا م الفرح حرماه
وجوه القلب نار قايده
ودمعه في وش الفرح
ضاربه ألف حصار
مش عارف ليه
في عز الفرح جوايا
بلاقي عبره مكبوته
بتصرخ بعلو الصوت
لكن برضو مش خارجه
وف عز
كلامي بلاقي سكوت
أصل الحزن جوايا
فارش م الغيطان فدادين
بيكفي الخلق وكفايا
ويزيد م البشر ملايين
زارع جوا
قلبي جناين شوك
مرويه بدمع عيني سنين
آااااه ياليل
طويل ملوش آخر
فارد دراعاته
على كتوفي بكل حنين
يانهار طالع
على سنيني بدون عناوين
كل ده وأنا صابر
وأقول يمكن
الآقي الفرح ف سنيني
وهو العمر فيه كام لحظه
عشان يعدي في الأحزان
عشان أبقى
بين الخلق مليش مكان
حتى حروفي
م الاحزان شبعانه
وخايفه تكتب فرح
يموت الحزن من ليلها
وييجي فرح بكل حنين
أدام خايفه ياحروفي
على حزنك
فخليكي كده عايشه
بدون فرح بدون سعادة
وجواكي من الاحزان براكين
..............
ابو عمرو الريشي
إرسال تعليق