تابت
الحلوه دى
بعد ما شابت
بقت بتهرب
م الزحمه
وتخاف تقرب
م اللحمه
وتستنى
م الناس الرحمه
وعايشه
ع الفول النابت
تابت
تابت
وماليه الأرض ذنوب
ماكنتش سامحه
لحد يتوب
تعمل كتير
وتقول مكتوب
وف ناس شريفه
ياما عابت
تابت
بقت بتهرب
م الزحمه
وتخاف تقرب للحمه
وتستنى
م الناس الرحمه
وعايشه
ع الفول النابت
ياما خربت
زمان فى بيوت
وف اى حته
ليها صتوه وصوت
ولا عمرها فكرت
ف الموت
حتى فى موت
أمها غابت
تابت
وماشيه النهارده
على عكاز
صحه مافيش
ماهى جابت جاز
باعت سريرها
اللى كان هزاز
وسرير حديد
بداله جابت
واهو ضاع جمالها
كان رأس مالها
وضاع امالها
وده من عاملها
وكتر الفلوس
ياريت عدلها
لا اخوها قبالها
ولا حتى خالها
شوفوا أيه بيجرى
للناس اللى خابت
بقت بتهرب م الزحمه
وتخاف تقرب للحمه
وتستنى من الناس الرحمه
وعايشه ع الفول النابت
تابت
بقلمى محمد بدر
إرسال تعليق