الحب المخادع:
حبّْها و ظْنّْ قلبها
وردة بعطر تفوح
لقاه لعن من شوك
الحنان منو ممسوح
تمضي مع هذا و هذا
شرفها بايعة برضا
فكل مكان ليها صدى
تحب تعيش و طير
و جناحها فالحرام فاردة
بالكذوب تشعل سعير
حبيبها تنافق و تخون
مواعداه بزواج..أوهام
و شرفو ما تصون
حبّْها و ندم و تصدم
و عاش بعدها يتألم
مذلول فحزنو مسجون
عاقل و يبان مجنون
بظلام الوحدة مسكون
هدى قلبو ل حيَّة
و سمها رواه و هدمو
صار فطريق منسية
فيها روحو منفية
ضاع فالدنيا حلمو
و أعماقو ما عادت نقية
الصدمة كانت قوية
حرقات أمنو و سلمو
صار عايش بالذكرى
يتفكر بسماتها الصفرا
لي فأرض بالنفاق عامرة
تبان تشرق خضرا
و هي تسرق أيامو
و دوسو و يهوي فظلامو
كان بالحب يعزف أنغامو
و يطرب بعشقو و هيامو
و لي كان يظنها عذرا
و طيبة ما فيش بحالها
صدقات شريرة واعرة
فحضن الرجال تقرا
شرفها و أخلاقها يناموا.
..........................
إرسال تعليق