وعشت وشوفت
مدرس يولع لتلميذه سيجاره
وأبن يضرب ابوه
ف عز الضهر ف الحاره
وبنت الليل تاخدلى وسام
وبنت اﻷصل محتاره
وكل شريف مرمى بسجن
والحريه لصاحب كاس بخماره
وناس مش لاقيه لقمه عيش
وناس بتصرف ملاين ع الكوره
وحاكم يحلف لأهنيكو
ويعصر ف أبونا بعصاره
ومبقاش فيه كبير
ومبقاش فيه صغير
وتحس الكون بيتغير
عشت وشوفت
ناس بتموت ف جوامع
وناس بتموت ف كنايس
وناس بتموت م الخوف
وناس مش لاقيه علاج
ﻷمراضها
من قيله حيله وياخساره
وناس فوق بتبص لتحت
عشان تدوس الشعب بجزمتها
وناس بتكدب وناس تصدق
وناس مسؤله ومتسئلتش
وناس غلبانه تضرب ع الوش
وعيشره تهون وناس بتخون
عشت وشوفت
وناس حبت وناس محبتش
وناس حبت بس ماطلتش
وناس زهقت ومااستنتش
وناس نامت محتاجه
إيد تطبطب
وناس ع الغلب بتخبط
وناس مهمهاش ف يوم حد
عشت وشوفت
ويارتنى ما شوفت
حليم الوراقى
إرسال تعليق