،،،،(أصل الحكاية)،،،،،،،،
أصل الحكاية ضيوف
كنعان وله معروف
من عهد سيدنا ابراهيم
نبي وله موصوف
والكل قالوا آمين
كنعان كريم ويشوف
حق الضيافه يعين
كنعان وكان له أرض
وحماها سنة وفرض
الأرض زي العرض
الكل ليها يدين
من خلفه كان صهيون
كنعان كريم مفتون
زرع الديار زيتون
للضيف في يوم مايهين
ولما كان يعقوب
نبي عليه ونتوب
يوسف صغير حبوب
اخواته شافوا ذنوب
ورموه في قلب مَعِين
ودار الزمن ويفوت
يوسف صبح ملكوت
واخواته صعب القوت
يعقوب نبي وحزين
بعت ولاده هناك
للقوت وكان محتاج
واتجمعوا الغايبين
الكل ضيف على مصر
يوسف وليهم نصر
في الحكم كان الوصل
عاشوا معاه في القصر
والحبل كان ومتين
كنعان في أرضه يعيش
والضيف يروح مايجيش
سابوا الحياة في الخيش
وفي النعم عايشين
وفوت ودور يازمان
موسى ومصر مكان
فرعون وكان طغيان
وهروب في كل مكان
تاني ظهر كنعان
والبعض راح هاربين
وبعد موت فرعون
اتجمع بني صهيون
كنعان بعيد بالطين
واللي هناك عايشين
أفراد وبعد سنين
ولما بلفور جاه
صهيون ملاه بالجاه
وإتجمعوا بلقاه
من كل فج وحين
يعني عليها ضيوف
أخذوا البيوت بالخوف
أفراد وصبحوا ألوف
ع القدس كله يلوف
كتبوا التاريخ عايزين
يبقى الوطن فلسطين
من غير ضمير ولادين
كنعان طريد مسكين
وتاريخنا أصبح زور
كنعان سجين مقهور
أصحاب الديار في طابور
مسجون يإما رحيل
وحروب علينا تدور
ضعف العرب بالدور
صعب الضعيف مستور
أصل الضعيف مهجور
ولاحد مرة يلين
صهيون في إيده المال
بيحل أي سؤال
وان لحظة فيها ومال
إمريكا سند ومعين
أصل الحكاية الآن
زور التاريخ ببيان
صهيون وبان له كيان
بالمال طرد كنعان
والقدس قال رايحين
،،،،،،،،(شعر)،،،،،،،،،،
عبد الله السايح
إرسال تعليق