بعد طول انتظار
لقيت الورد بيفتح
في أرضي البور
وأنا اللي كنت يوم فاكر
هموت مغمور
لقيت الجنة بتصبح
بوش السعد
يا احلى حبيبة ملكاني
صباح الورد
وأنا اللي كنت يوم فاكر
بان الدنيا ظلماني
اتاري الدنيا وخداني
لبنت الحور
فضلت الليل احلفها
اكون دايما على كيفها
ولو طلبت لبن عصفور
حبيبة قلبي لو غنت
فى عز الليل
طيور الدنيا بتغرد
مع المواويل
ولون الفرحة في عيونها
جماله أصيل
يوم ما أمسك أنا ايدها
أعيش مغرور
سنين عدت وأنا بحلم
أعيش الحب
وفجأة لقيتها ملكاني
ومالكة القلب
أنا اللي كنت وحداني
في دنيا الحقد
عرف قلبى طريق النور
الشاعر / ناصر عبد المقصود
إرسال تعليق