ايوه السؤال مل الاجابة دم الغلابة مصيره ايه
اللي مات عشان وطن
واللي اندفن من غير كفن
واللي مخه من العفن
لساه بيسال دينه ايه !
اللي مات جوه الميدان
واللي انفجر بعد الادان
واللي قدره يموت جعان
ماعرفنا حتي ماتوا ليه
لسه التراب حاضن دمانا
لسه الهموم عايشة معانا
لسه مصيرنا من الاهانة
بيعوضونا بكام جنيه
لسه الوحدة ف سيل الدم وشيل الهم وصوت الاه
لسه الشمس بتبدر هم وترمي الغم عشان نلقاه
لسه نصيبنا طيور من نوحك
تحضن دوحك
واما ف مرة نداوي جروحك
نلقي القبر واخدنا معاه
ليه يابلادنا رافضة وجودنا
طالقة علينا كلاب الحي
قومي وقاومي واحفظي دمي
وابدري همي ف نهر الضي
يمكن نرجع تاني يا امي
نقطف عطر زمان الجي
واما تقومي وتاخدي بتارك
يبقي صدقتي (شهيدك حي)
إرسال تعليق