أنا المصرى
اللى بنيت القلاع
آه لو صوتى مسموع
كنت ألف الشوارع
وأطلع السادس والسابع
وآكل ف يوم وأشبع
بدل ماأموت م الجوع
آكل من أى نوع
وأجرب مره أتكرع
ومنمش مقرفص ومكوع
وتبطل عينى تدمع
ماأنا ياناس م الشبع ممنوع
وم النوم كمان ممنوع
شفت عرافه بتضرب الودع
بصت ف النجوم ورمت الودع
وقالتلى ياخسارتك ياجدع
يا مصرى يااللى بنيت القلاع
بقيت بدعه م البدع
والكل ليك باع
وماحد من أهلك إلتاع
رموك ف البحر
من غير قلع ولا شراع
ونجمك ف السما ضاع
يا مصرى يا اللى
عشت عمرك ف صراع
طمعت فيك الضباع
وكان ليك معاهم باع
ارجع تقى ورع
واقضى على كل الأطماع
داإنت اللى بنيت الأهرام والقلاع
داإنت اللى ف الفن بدع
وف العلم اتقدم واخترع
ارجع للمولى واركع
يرجع نجمك يسطع
وبريق الأمل يلمع
اشتغل بجد توفر السلع
وتقضى ف السوق ع الجشع
حط إيدك ف إيد أخوك
الخير يعم والكل يشبع
بلاش تجرى ورا التقاليع
وتنسى كلام السميع
وبلاش القزع
اللى نهى عنه
المصطفى الورع
وان كنت بنت ولا جدع
بلاش البنطلون اللى إنقطع
وبلاش تجرى ورا البدع
بقلم :محمد حجاج
إرسال تعليق