1- قلب فالضياع:
بغيت نصادق فالحب
الحاء و هي تصدّْنِي
من الباء بغيت نقرب
عليها الحقد يْبْعّدني
فبحر الضياع يسبح
قلبي تايه مجروح
ديما حزين يعذبني
ما بغى بهمو يبوح
من فرحي راه يسلبني
دموعي تبكي و تنوح
الحب ما بغى يحبني
من قلبي الحب مطروح
ركبت الحاء فالحب
على الهم يا ناس رماتني
تمنيت الباء تعتقني
ضمات الهوى و خلاتني
من نبع الذل نشرب
بالحكرة الدنيا رواتني
مني الحب تسلب
من النوم يا ناس حرماتني٠
.......................................من توقيع/المهدي العمري.
إرسال تعليق