فاكرني حديد
--------
على قد قلبي ماشاف لسه غريب جاهل
لسه صريح شفاف ويتخم بالساهل
وكتير يكون مكتوت من برد في الوحده
ولما أقوله بخاف يقولى تستاهل
قلبى ماشفش أمان ولا عمره طمنى
وكل مرة إتخان جاب السبب منى
بطل بكا وتلفيق بقي يعني لما تضيق
تبقي ياقلبي برئ وتروح و تظلمنى
أنا ياما قولت أمشيك يمكن تكون مبسوط
وأسهر كتير لياليك ولا ليه أى شروط
ترجع بجرح حزين محتار مابين ضدين
غرقان في دمع العين مابين سقوط وسقوط
و أنا اللي أمد الإيد و أشد و أتحمل
وأثبتك لو يوم بالود تتأمل
وأشرحلك الموضيع و أوكلك في البيع
وأعرفك هتضيع لو كنت هتكمل
د الوقت جاى حزين تشكيني وتعاتب
وفاتح العينتين ورافع لنا الحاجب
من إمتى كنت بعيد ولا فاكرنى حديد
لو العتاب هيفيد تعلالى نتحاسب
إرسال تعليق