فكوها حبة
----------
فكوها حبة.... طب بس حبة
مش كله مش ... فين المربي..؟
و الله تعبنا و جبنا... جبنة
بعنا الحديده .. خرمتوا جيبنا
و الفقر زارنا عامل صاحبنا
لا عارفين نسيبه ولا نستخبي ...!!!!
صبر و صبرنا .. جبنا فـ اخرنا
و أما كبرنا لقينا ايه ..؟
لقينا خيرها بيروح لغيرها
و جابت آخرها و نامت عليه
مع ان فيها و الخير ماليها
دا اللي بانيها يوم هيحاسبنا
و الله تعبنا و جبنا جبنه
بعنا الحديده .. خرمتوا جيبنا
و الفقر زارنا عامل صاحبنا
لا عارفين نسيبه ولا نستخبي
فكوها حبة ... بس حبة
سيد صادق
إرسال تعليق