من غير صوت
وأنا ف همى شايف وهمى
وعايش جوة ليل مغلوط
مسلم للزمان أمرى
وعاشق حبل كان دايب
وفالت من عيار مفلوت
وكان ظنى سابق حلمى
بهفوة حب مصحوبه
بلذة جديدة مشتاقه
وعيشنها ف عز الموت
وكل ما بصحى من حلمى
انام تانى
وبتمنى ياخدنى الموت
واعيش اللحظة جواكى
بنبرة رقيقة م الجنه
ومن غير صوت
وانا ف حضنك
بكون ميت ف احساسك
بكون شايف عيون دايبه
ونعسانه
ف عز ماهىَّ مشتاقه
بتوصف لى زمن تانى
طقوسه لامسه وجدانى
وبنسى كل شئ مرغوب
وأعيشها ف عشقها المعهود
بقلم "محمد الخضرى "
إرسال تعليق