أيوه أنا فكرتك يا أبو ليفه
بزمان أيام ما التعريفه
أيام مكانت الدنيا أمان
وفي كل مكان
تعليم قرأن
أيام مكان فيه مكان
تعيش فيه الناس
عيشه شريفه
و جيران البيت
خبط ع الحيط
لو عايز ثمنه
أو فتلة خيط
هل وأصحاب
أحباب وجيران
ومصر كان ليهاخليفه
أيام والنبي كانت حلوه
كان فيها فن
وكنا بنستطعم الغنوه
عمرنا أيامها م شلنا الهم
وف عز الزنقه كلنا نتلم
وكلنا بشؤون مصر بنهتم
ونضحى عشانها كمان بالدم
ماكفايه ياعم
أيوه أنا أفتكرتك يا أبن الأيه
كنت ساعتها بتعيش
بتلاته جنيه
وعندك بدله
وبتتقمع وبتعمل بيه
وتروح تتنضف ف التنترليه
وتمشى ف شوارع مصر
المحروسه المكنوسه
لحد معاد التشريفه
كانت حياتنا حلوه بجد
وكل أيد لأيد تتمد
تخلى الشيله تبقى خفيفه
كنت أصلى فجرى
واخرج للشغل بدري
والسكة أمشيها
وام العيال الله يخليها
الفجر تعجن وتغسل
وكله على أ يديها
وتطبخ طبيخ الحريفه
و أم فاروق
كانت تنزل تلف السوق
تقضى حاجتهاوهى كفيفه
كان اى حد يوديها
وبأى لقمه نقضيها
كانت حياتنا حلوه خفيفه
بقلمى محمد بدر
إرسال تعليق