وصفة عمك العطار بقلم : محمد حلمي

وصفة عمك العطارمن تأليف : محمد حلمي
------------------------
فيه ناس لما تغلط
يلتمسوا لها الاعذار
وناس مستنين تغلط
تقولش الحكاية تار
ليه نكيل بمكيالين
ده الواحد عقله طار
هتضرب كف على كف
وتضحك وتقول يانهار
كده هتقع من طولك
ومفيش غيرك ينهار
نصيحة مني خدها
ومش لازم تكون محتار
البشر عايزينك والع
كن بارد تلاقيهم نار
دي الوصفة اللي غلبت
وصفة عمك العطار
هتعمل بيها تعيش باشا
وتركب حصان قبل الحمار
اما ياصاحبي تعيش تايه
وتقعد تغني تبكي مع الاوتار
موضة قديمة وشغل سيما
خدها الغراب وطار

محمد حلمي