{{زمن العجب}}بقلم محمود صلاح السيد

القلب خالى الدسم

وفات زمن العشم

دا كل فص أنقسم

العمر خط أترسم

بدايته فل وورد

ونهايته شم بصل

معرفش أيه اللى حصل

النور باينه فصل

الكذب ماله أبتسم

مدهون بطعم العسل

تدوقه مر علقم

والناس عماله تلهط

الصدق ليه أنتحر

وشبع موت وأنفجر

فى ناس أصبها الضجر

نفسها تكون زى الشجر

لوحتى من غير ورق

لكن قدرهم سبق

ليه الضمير مات فينا

ومن زمان أندفن

الكره أصبح وطن

عفن وريحته عطن

واحد عامل أسد

وسلاحه فى أيده أنفرد

على الضعيف يترفع

الشر أصبح واجب

وفى كل مكان بيترصد

دا زمنا زمن العجب

الحلو طعمه فسد

والناس أصبها الحسد

بقى كله عنده فزع

جاله أحباط وجزع

وكتر حوالينا الخطر

والأمان بنا أنحصر

العقل نوره أنفصل

عايزين نرجع لكن تيهين

ومش لقين لطريقنا أى أثر

ماهى الدنيا زى موج البحر

ساعات يصبها المد

ويطلع للشط السمك

وساعات يصبها الجزر

وتغلط هى فى الفرز