ياخروف
العيد ياخروفنا
ياجاي وعارف بظروفنا
اسعارك
قايد فيها النار
خلي العقل مني احتار
بدعي وبقول استرها
معانا ياستار
يارب خليك معانا
عايزين نحي سنة رسولنا
النبي المختار
ونعمل حسنه ندخل بيها الجنة
وتبعدنا عن العذاب والنار
...... .... .....................
يااخواتي
انا روحت اسال الجزار
عاملة ايه معاكم الاسعار
يارب
تكون حلوة وبسيطة
علي قد الايد ورخيصة
قام رد عليه الجزار
بتناحة وبقلة زوق ووقاحة
عاوز ايه يااخينا
قلت انا جاي
اسال علي الاسعار
ودا كلة بعد مالفيت
ليل ونهار
ودورت يمين وشمال
وتعبت لف من المشوار
والعقل مني شت وطار
والفكر خلا عقلي احتار
من اللي انا شوفتةو الغلا
اللي زاد وارتفع بالاسعار
انا قلت بلاها اضحية
ونقيضها عيش وخيار
بس كده والله حرام
دا الغلبان قاعد مستني
يجي العيد لجل مايتهني
ماهو مالوش ذنب
لابغلا وباسعار نار
مش كفاية عليه متحمل
عذاب وشقى ليل ونهار
و حرق في دمة
وعيشتة الصعبة
اللي بتاكل ف لحمة
وتمص في دمة
زي لهيب النار
بنقولوا يجي العيد
لجل مانخفف عليه همة
ونمسح دمعة في عنين
امة اللي قاعدة عنيها تسح
دموع وشايفة في عنيه غمة
نفسها بفرحة تسعد له قلبة
بلبس جديد لطفل يتيم
ولاكسوة عيل عريان
طول عمرة قاعد حزنان
نفسه في مرة يشوف الفرح
ولجل مانر ضى الرحمن
ويكون علينا راضي
يارب
ارحمنا برحمتك وقوينا
لجل مانقدر نحي سنتك
بقلمي عبد المنعم مرعي
إرسال تعليق