القلب مجنون
القلب مجنون ومسلوب العقل
لما شاف العيون مرسومة بالكحل
لا قِدر يغيَّر النَّظر ولا يحوِّل
ولا يمنع كلمة بين الشفايف بتتململ
يا مالك القلُّب قلبي إليك ميِّل
صورتك ف عيني ما بتتحوِّل
ياللي لِيلي من غيرك طوِّل
ياللي نظرة من عيونك هى الأمل
ياللي بسمة بين خدودك عسل
ياللي ضحكة من شفايفك تهز جبل
ياللي لمسة من إديك ينخ ليها الجمل
ياللي ريحك غار منه الفل
والياسمين لحقه الخجل
والورد منك دِبِل
لما علينا بتهِلّ
سبحان من وهبك كل الجمال
قلبي عليك وجل
سهرت لك يا قمر طول الليل
وجريت وراك جري يهد الحيل
ياللي لك شامة وخال
ياللي قدك ماشي يتمخطر ويميل
والشباب عقولها بتميل
والقلوب لحبك بتتسوِّل
جرِيتْ وراك جري الخيول
وصبرِت عليك صبر الإبل
قلبي عليك اتهبل
ولا عقلي عليك اتخبل
سبحان من صوَّركل الجمال
بقلم:محمد حجاج
إرسال تعليق