فـداديـن بــوار
والزرع عكس المحتمل
نزرع خضار
الارض ليه كان طرحها كله مرار
ف بواقي ليل كله ملل
والبذرة رافضه الانصياع
حاسه بخلل
ازاي تكون هي النواة
لحلم مات جوا الحياة
من قبل حتى ما يكتمل
متحسبوش عمري بسنين
عدوا الجراح .. كام جرح
قرب يندمل
لسه كتير والارض بور
حتى القمر مكسور حزين
مستني نور
او حتى دور اخر طابور
الميه زايدة ف العفن
والطعم مبقاش محتمل
ايه العمل
والظلم راسخ فوق صدور الخلق
والحلق شقق م المرار
مبقاش له صوت
مكتومة صرخة لنتظار
والجسم صابه الانهيار
برك الجمل
بس الاكيد
ان الحياة لا تحتمل
وبقينا فيها كيف سمك
الكل بمصالحة انهمك
هو الضمير ليه كفنوه
والحق ف الانعاش خمل
معقوله تبقى دي الحياة
مفهاش ولا طوق للنجاة
يا منتهاه حلم الجدع
دا العمر قرب ينتهي بالمشتمل
ولاعدش باقي غير سكات
لو تشطبو عمري اللي فات
لو تسترو كل الرفات
طرح البواقي يكون كمل
او ترجع الارض الشراقي
تكون خضار لو بالامل
بقلمي ( احمد هلال )
إرسال تعليق