صاحبى وحبيبتى
............................
كنت بحكى لصاحبى عليها.. كل شئ عنها
اوصف جمالها واوصف عنيها.. والبنات بيغيروا منها
سألنى مرة عن اوصافها.. قولت مفيش زيها
عيونها كما عيون المها.. وسواد الليل يشبه لون شعرها
ولا قوامها كالغزال.. خفة ورشاقة ودلال
وهى اصلا بين البنات مالهاش مثال
وسألنى هى ساكنه فين.. قولت ف قلبى لوحدها
وقالى طيب هى بتحبك.. زى مانت بتحبها
قولت مرة احس بحبها.. ومرة احس انى مش ف قلبها
وكنت بحكيلها هى كمان عنه واقولها.. دا صديق الطفولة
لعبنا وكبرنا ويا بعض.. من يوم ما كنا ف سنة اولى
اتارى حكاياتى عنها.. كانت بتقربه منها
ونفسه يشوف اللى خطفتنى من احبابى ومن ناسى
واللى شغلت كل فكرى واحساسى
ولما عرف عنوان سكنها.. راح يلف حواليها
يشوف هى مين. . اللى قلبى مال اليها
راح قلبه هو اللى مال.. لما شاف جمال عنيها
هى كمان مالت اليه.. لما شافت ف عنيه عشقه ليها
هو دا صاحب الطفولة اللى خان.. راحت منه الرجولة وهان عليه عشرة زمان
وهى دى حب عمرى.. اللى طلعت مالهاش امان
غدرت ونسيت حبى ليها هى كمان
طب ذنبى ايه انى كنت.. واخده اخ مش مجرد صديق
مطرح ما اروح.. كان معايا ف كل طريق
وهى كانت بالنسبالى.. كل عمرى وحياتى
تداوى جرحى وتعيش معايا.. فرحى وآهاتى
اتهنى بيها ياللى كنت ف يوم صاحبى.. واتهنى بيه ياللى كنتى ف يوم حبيبتى
اصل خلاص مالكوش مكان جوا قلبى.. هو خان وانتى غدرتى ونسيتى حبى
منكم لله فجرتوا قلبى.. ب ديناميت المحاجر
وانا خلاص سايبهلكم.. وراح اهاجر
وبحق قلبى اللى كسرتوه بكسارة.. حبى ليكم كان فيكم اكبر خسارة
كلماتى.. محمد نبيه المرصفى
إرسال تعليق