عشانك هارجع اكتب تانى
..........................................
بطلت كتابة بعد غيابك... وخدك الهوى وداكى وجابك
وعشانك هارجع اكتب تانى.. وهاقول ف غرامك احلى اغانى
هاوصف قلبك ورقته.. واقول ازاى بقيتى شغلانى
قلبك طيب اوى ورقيق.. اتمنيته يكونلى صديق
اتونس بيه لما الاقينى.. ف بحر الحب هابقى غريق
وعشانك هارجع اكتب تانى
على كل حرف من اسمك هاكتب اغنية.. واجيب ريشة وارسم صورتك بايديا
اصل غرامك خلانى فنان شامل.. وجمالك مشوفتش زيه جمال كامل
لو وصفت ف عيونك.. الرموش تزعل منى
وان حكيت عن خدودك.. الشفايف تخاصمنى
طب اوصف ايه ولا ايه.. انتى عايزة الف كتاب
تتوصفى فيه
وان وصفتك بصوت عالى او بهمس.. هاجيب برواز اكتب عليه ممنوع اللمس
وعشانك هارجع اكتب تانى
هاكتب ف حبك الف حكاية وحكاية.. كل حكاية غير التانية
اصل عشقك ده رواية... يرويها العشاق ف الدنيا
يقولوا ده عشق ماشوفناش زيه.. ولا عشق قيس مع ليلى
انا اصلى فيكى دايب دوب.. والعشق عليا معاكى مكتوب
والعشاق يهيموا ويانا.. واللى ما داب يدوب ف هوانا
وعشانك هارجع اكتب تانى
كلماتى.. محمد نبيه المرصفى
إرسال تعليق