قصيده بعنوان...... دنيا الوشوش
دنيا الوشوش ألوان
أخترلك يالا وش
أوحتى تلاته كمان
يرحم زمن الملايكه
أصله ده كان زمان
...................
شايفك عمال تتلون
وتقول أجمل ألحان
والناس عماله تسقف
ويقولوا عليك فنان
ياما فى الجراب ياحاوى
وياما نشوف كمان
.......................
دنيا وفيها العجب
ومعدش فيها أمان
الحق فيها إتغلب
وسرحنا ف التوهان
واللى تديله سرك
تلقاه فى لحظه خان
....................
واللى أمره يهمك
وكنت معاه إنسان
من ورا ضهرك يغشك
ويبدل الالوان
.....................
تنسى اللى عامله معاك
وتقوله ع اللى أذاك
وأما تجى تصارحه
يتحجج ب النسيان
ويبخ سمه فى وشك
زيه زى التعبان
.....................
أفعال وفيها العبر
ومعدشى ليها ميزان
والصاحب بقى مش صاحب
والشهم ما لوهشى مكان
بتمنى ليك ياصحبى
تعيش بقى إنسان
كفياك غش وملاوعه
دا المستخبى بان
...................
كلمات الشاعر محمد ثروت عبدالحفيظ
إرسال تعليق